** السلام عليكم و رحمة الله و بركاته **
أما بعد
إخواني الكتاكيت و الكتكوتات
النهاردة انا في أسوؤا حالاتي
بجد بكتبلكم و الدموع في عنيه من شدة الألم .. و المغص اللي أنا فيه
خير يا صيف مالك ؟
هحكيلكم كل حاجة من البداية ... بس إستنوا شوية
آآآآآآآآآآآآآآآآآآآآآآآآآآآآآآآآآآآآآآآآآخ
قلقتني عليك يا ضنايا ... ينفع تلخص و تقول اللي حصل و مالك (( ))
حاااااااضر
النهاردة كانت أمي العزيزة في مشوار من صباحية ربنا ... و رجعت تعبانة مش حاطه منطق
فطبععا معملتش أكل ... و قالت لنا ... إنزلو هاتو أكل بمعرفتكم
طبعا .. وجهي كاد يرقص من الفرحة ... و حواجبي كانت بتعمل كده هناكل من برة يا جدعان
(( و يا ريتني ما قولتها ))
طبعا .. سامح أخويا
ربنا يديه الصحة و يخليه يا رب
أقترح علينا نجيب كفتة من عند عربية و قعد يقولنا ... ده راجل جامد .. بيعمل كوفتة جميلة
إنت أساسا آخرك سندوتشين و نص بالكتير
مصطفى : ليه يا خويا يا حبيبي سندوتشين ليه بس
هوه إحنا بعيدها هنروح نعمل غسيل مخ
سامح : ملكش دعوة .. انا بكون راجع من الكلية و بجيب منه بال خمسة
بجد راجل جامد و هيعجبك
مصطفى : طويب
أما نشوف آخرتها
فطبعا .. انا معرفش مكان الراجل
قام سامح أخويا وصفلي مكانه .. و قالي هتلاقيه راجل أصلع و لابس قميص أزرق
طبعا مسألتوش عرفت إزاي إنه لابس كده لإن الجوع كان واكلني ساعتها
المهم .. رحت للراجل
و أدور على واحد أقرع و ب قميص أزرق ...
المهم لقيته
فرحتله .. و قلتله سلامو عليكم
و عليكم السلام يابني
لو سمحت عايز 15 سندوتش كوفتة
طيب .. معايا طلبية هخلصها .. و اعمل اللي عايزه
طبعا طول ما انا عند الراجل .. و شامم ريحة الكوفتة اللي كان بيشويها ... بجد كانت ريحتها حلوة
المهم الراجل عملي السندوتشات
و بجد السندوتش كبير جدا
و يشبع
المهم رحت جري على البيت ... و لا أزال أصارع الجوع حتى آخر رمق
وصلت البيت .. و صلعت سلم الطيارة اللي في عمارتنا دوت
و دخلت بالسندوتشات
العيلة كلها ... مزبهلة
و طبعا كل واحد فينا كان جعان
فطبعا طلعنا السندوتشات .. و قعدنا ناكل
و صدق سامح لما قال ... آخرك سندوتشين و نص
فعلا .. كلت سندوتشين و كنت على آخري خلاص
المهم عننا الباقي في التلاجة
و بالليل .. أو بمعنى أصح .. من شوية كنت نايم عادي في أمان الله
و مقدرتش أسهر زي كل يوم
لإن كان طالع عيني النهاردة في نشر غسيل .. و أودي طلبات
المهم ... صحيت من النوم ... و أمعائي تكاد تتمزق .. إربا إربا
السندوتشات دي فيها حاجة
رحت للحمام ... طبعا عمايل السندوتش إشتغلت
و دخلت .. و قيء بقى و حاجة آخر قرف
(( ربنا ما يوريكم ))
أصبحت معدتي بعد ان كانت بتصوصو عشان تأكل ... أصبحت بتصوت من الألم
طب ... اللي انا رحت عنده دوت كانت عربية كوفتة
يعني مش محل .. يعني معهوش تصريح من وزارة الصحة .. ولا اي حاجة
و في عندنا بنشوف ياما ستات .. قاعدين بيبعوا خضار و فواكه على أرصفة الشوارع .. من غير محلات
يعني معندهمش تصريح بالبيع
انا معاهم في حاجة ... و ضدهم في حاجة
أنا معاهم .. في إنهم برضو مهما كانت مهنتهم بيكسبوا بعرق جبينهم .. و كسب حلال و الحمد لله أحسن ما ينحرفوا ... و تبقى طبلت على دماغ الجميع
و ضدهم في إنهم معندهمش تصريح بالبيع
يعني حتى لو خدت منهم حاجة .. هتبقى مش متطمن
يعني هتبقى الحاجة دي مش موثوق فيها
(( وجهة نظر ))
بس أنا في نهاية الموضوع ... عندي إستفسار .. و طلب
الإستفسار .. السؤال يعني : بما إن الناس دي مش موثوق فيهم للدرجة ... ليه بنشتري منهم و هما معندهمش تصريح بالبيع .. يعني حاجاتهم مش مضمونة
أما الطلب : لو أي حد من الكتاكيت حصله موقف زي دوت ... يحكيلنا موقفه ... و أهم حاجة يقولي عمل إيه